決戰歐霸！紅魔寸到練定慶祝
歐霸盃決賽殺到嚟，曼聯將於今晚深夜2點45分，於瑞典激鬥阿積士。曼聯於剛過去英超僅得第6名，如果要參加來屆歐聯，今晚一定要捧盃，所以球隊上下都極度重視呢場波，領隊莫連奴勢必派最佳陣容應戰。阿積士雖然被睇低一線，不過球隊年輕得來天才橫溢，今仗於冇心理壓力之下，或會有更佳演出，呢場波咁有睇頭萬眾觸目，我哋會喺呢個Post入麵，落齊賽前消息，大家記得留意！
●今晚曼聯非勝不可，球員壓力應該都唔細，但拉舒福特同連格兩位小將，似乎信心十足。佢哋於決賽場地操練時，畀傳媒影到兩個夾住做手勢，好明顯係練緊入波點慶祝，有信心係好嘅，千祁唔好輕敵就得喇！
●曼聯今晚喺斯德哥爾摩出戰歐霸盃決賽，作為瑞典球壇Icon嘅伊巴謙莫域雖然因傷唔踢得，但依然全家總動員去撐場！據瑞典《體育快報》報道，伊巴謙莫域老婆海倫娜同2個囝囝Maximillian及Vincent，都會喺友誼球場嘅VIP房入麵觀戰。至於伊巴謙莫域就連日跟隨曼聯大軍備戰，消息指佢之後會繼續留喺瑞典接受康復治療。
●場地草地勁易掘起
今仗決賽，將於瑞典斯德哥爾摩蘇納友誼球場舉行，呢個場地可以容納5萬球迷，規模頗大，不過呢個場嘅草地就頗有問題，英國記者Duncan Castles，就於網上報道：「個場係好靚，但草地就唔理想。」以佢早前入場所見，阿積士球員練咗波10分鐘後，就掘曬啲草皮出嚟。
●曼徹斯特體育館周一發生恐襲，連環爆炸造成至少22死120人受傷，曼聯球迷擬在今場決賽期間，掛起旗幟悼念死難者。為悼念今次恐襲的傷亡，賽前記招亦會取消。一眾紅魔球迷已經在前往瑞典路上，一群名為Stretford End Flags的球迷正積極與曼聯和歐洲足協聯絡，希望可以在比賽進行期間掛起自製旗幟。另外，在今天晨操前，亦默哀一分鐘來悼念遇難者，十分有心。
東網體育同你追實體壇每個精彩時刻！
http://bit.ly/2ecTF2A
原文地址：http://hk.on.cc/hk/bkn/cnt/sport/20170524/bkn-20170524214637422-0524_00882_001.html
- ۹۶/۰۳/۰۸